3, 2, 1...COMEZAMOS!!

Ola compis!! Como van esas vacacións? Seguro que aproveitando estes últimos días e pensando xa na volta ao cole non? Os preparativos para a volta ao cole sempre me fascinaron, xa de nena cando chegaban os libros encatábame forralos, ir mercar libretas, bolis e rotus novos... E hoxe en día esa paixón pola papelería aínda se mantén...

Hoxe tráiovos a Axenda Docente que deseñei para este ano, foi unha aventura que empecei o curso pasado, cando me decidín a facer a miña propia axenda adaptada ás miñas necesidades. Non é nada do outro mundo, fun collendo ideas de aquí e de alá ata chegar a este deseño, feito con moito amor, en Canva, por suposto!!

Lembro que en setembro do ano pasado vinlle a miña Axenda a unha compañeira nova no cole, a conversa foi algo así:

- Anda Elena, tes a miña Axenda?

- Siii! Ti tamén a tes? Vina no grupo de Mestres de Facebook e encatoume

- Jajajaj claro que a teño, fíxena eu! Eu son A clase de Fun!!

- Pois está xenial, é súper cómoda, xa o comentamos varias compañeiras!

Así que este ano, decidín darlle outra voltiña, mellorar o deseño e incluír algunha cousa máis!

Que vas atopar na Axenda?

-Datos de interese

- Horarios

- Calendario Escolar de Galicia (Anual e mensual) coas conmemoracións

- Xestión de titoría 

- Espazo para anotacións

- Programación das Actividades de Aula a semana vista

- Anexo para Equipos Directivos

Para poder descargala debes clicar en na seguinte imaxe, e levarache á páxina de descarga. Debes seleccionar se queres a opción da Axenda Docente (para mestres) ou a opción Equipos Directivos, (axenda + mes de xullo), introducir a cantidade mínima de 1€ (ou máis se así o considerades) e continuar á páxina de pagos (aceptan PayPal e Tarxeta). Non vos esquezades de valorar nas estreliñas =)

Moitas grazas a todos os que decidades descargala, son moitas horas de traballo, que agardo vos sirvan para o voso día a día no cole!! Bo comezo, compis!!

Podedes ver a axenda do curso pasado facendo clic AQUÍ.

Podedes seguir o meu traballo en Facebook e Instagram!

Léovos nos comentarios!!

Día escolar da non violencia e da paz

 Feliz día da Educación a todo o #claustrodeig Esta semana celebramos o día escolar da non violencia e a paz, ademais da canción en LSE faremos este mural, inspirada na idea de @unapizcadeeducacion coa frase do Principiño, un dos meus libros favoritos! Cada alumno/a escribirá unha palabra relacionada coa non violencia e a paz na súa gota, que logo colgaremos do arcoiris! Desexando ver como queda! Tédelo para descargar en @gumroad (https://gum.co/BzfbdB) por se o quixerades empregar na vosa aula. #paz  #recursoseducativos #arcoiris #Ortigueira 

Móvete en LSE

MÓVETE de Paco Nogueiras é a nosa canción para festexar o Día Escolar da non violencia e a paz. Estamos traballando arreo para aprender a letra e a adaptación a Lingua de Signos! Agardo que sexa do voso interese, e se vos presta a aprendades e a compartades co voso alumnado! Nestes tempos complicados que nos está a tocar vivir, esta canción dános un pulo de aire fresco para continuar camiño!!

#músicaengalego #EducaciónPública #Ortigueira #LSE #LinguadeSignos

Se a levades adiante, encantaríame saber como vos foi! Podedes escribirme por aquí, no Instagram  @aclasede_fun e en Facebook A Clase de Fun

Podedes descargar o vídeo da canción dende AQUÍ 

Propósitos de Ano Novo

E mañá que facemos?? Faise moi raro volver ao cole un venres, así que polo menos facer algo divertido, non? Falaremos de como foron as vacacións, os regaliños que houbo... E logo traballaremos en como queremos que sexa este 2021! Preparei este material cun remix das propostas de @entreipadsycuadernos e @my_kumucorner ! Teño claro que o meu mal hábito a abandonar neste 2021 é o de deixar todo para última hora!! Podes descargar a ficha de forma gratuíta dende o meu Gumroad.

Agardo que vos sexa de utilidade, e feliz volta ao cole!

Os Verbos!

Hoxe tráigovos un material que levo varios días elaborando, os verbos sempre é un contido que se lles atraganta un pouco aos nenos e nenas de primaria, e dándolle unha voltiña decidínme a facer un par de Flipbooks, que aprendín a elaborar grazas a unha formación de GoldenMacEdu feita pola súper Berta de @ennuestraclasedeprimaria, conta que lle recomendo a todos os mestres que coñezo, unha fonte de inspiración incríble e da que aprendo un montón!! 

Pois a formación trataba de aprender a deseñar un Flipbook en Key Note, eu que son novata total en Key Note, comecei con toda a miña paciencia, pero levábame un mundo de tempo facer algo que en Canva facía rapidísimo así que seguindo as pautas de Berta, rematei de facelo en Canva, que se non o sabiades, sendo mestres temos a conta gratuíta coas funcións de pago. 

Así foi que saíron do forno un par de Flipbooks bastante xeitosos para ser os primeiros que fago. Para quen non saiba o que son, os Flipbooks son libriños despregables, no que os contidos van aparecendo en diferentes páxinas en cascada, a súa montaxe é moi sinxela, só hai que imprimir a unha páxina, recortar pola liña e grapar nas marcas de arriba.

O primeiro libriño trátase dunha explicación xeral dos verbos, os conceptos de conxugación, raíz e desinencias, etc... o segundo son os tempos verbais en galego, cunha explicación do tempo verbal e a súa ubicación no tempo e un exemplo. Está comprobado que con este material de estudo todos e todas están moito máis motivados!

Fixen a maiores unha plantilla para empregar coas fundas de plástico e os rotuladores de pizarra, xa que así, cunha soa fotocopia podemos analizar unha infinidade de verbos!

Neste nadal, teño intención de facer o mesmo cos verbos de castelán, agardo que vos sexa de utilidade para as vosas aulas! 

Déixovos o link da descarga en Gumroad pinchando na imaxe, son 2 euriños, para todo o pack!

Moi boas e merecidas vacacións a tod@s!!

Debuxo paso a paso O Apalpador

 Hoxe tráigovos unha actividade de debuxo paso a paso. Durante o confinamento, Leandro Lamas regalounos a súa arte propoñéndonos varios retos de debuxo paso a paso con el, eu era a primeira vez que facía algo así, e de feito son moi mala debuxante, pero coa guía de Leandro todo resulta moito máis sinxelo!

Con motivo destas datas navideñas, unha compañeira comentoume que Leandro tiña no seu Facebook un paso a paso do Apalpador e pensei que era unha moi boa tarefa de clase, así que fixen esta presentación para que lles sirva de guía.

Agardo que vos sexa de utilidade para as vosas clases!

Clica enriba da imaxe para acceder á descarga gratuita!

Estatuto de Autonomía de Galicia e Constitución

 Inspirada no material que prepararon @lamademoiselledufle e @diariodeunaprofe para a Conmemoración da Constitución, que podedes descargar aquí, lanceime a crear un flipbook similar sobre o Estatuto de Autonomía, xa que conmemoramos ambos acontecementos esta semana.

A forma de montalo é exactamente igual que o da Consitución, déixovos o vídeo que elaboraron para a explicación de como montalo, é moi sinxelo só hai que imprimir a dobre páxina e dobrar polas marcas! 

O documento inclúe un pouco de historia do Estatuto, actividades para completar sobre algúns dos artigos do Estatuto, e unha actividade para completar a letra dun anaco do Himno Galego.

Podedes descargar o arquivo AQUÍ!

Agardo que vos sexa de utilidade para empregar nas vosas aulas! 

25-N

Día Internacional da eliminación da violencia de xénero 

Achégase un día moi importante para a sociedade na que vivimos. Concienciar sobre a importancia do respecto, a igualdade, os estereotipos, o reparto de tarefas no fogar... son esenciais para poder medrar como sociedade.

Preparei esta presentación para traballar co meu alumnado de 6º de Primaria, entre outras actividades que imos levar a cabo nestas semanas, como murais e relatos curtos.

Agardo que nos sirva para visibilizar a problemática actual da Violencia de Xénero. 

Clicando sobre a imaxe, tedes acceso ao Genially que preparei! Agardo que lle saquedes moito partido!

 Podedes seguirme en Instagram en: @aclasede_fun

Axenda Docente 20-21

Ola de novo!! Pois en nada comezamos curso! Durante o verán aproveitei para facer un par de cursos realionados coa creación de materiais, e o ensino online, e aínda que en internet atopamos moitas opcións marabillosas para organizar a nosa axenda, este ano decididín personalizar a miña propia!

En cursos anteriores estiven utilizando a de A Fiestra da Mestra, con algunhas cousas de Dando a Nota, e insipirada no seu deseño, que me parece súper práctico, fixen esta proposta, con algunhas cousiñas engadidas que me parecen de moita utilidade.

É unha axenda pensada para a titoria, así que se sodes especialistas, non precisaredes imprimir todas as páxinas, seleccionade o que sexa do voso interese, e podedes completar coas páxinas finais que son para anotacións.

Nela atoparedes:

• Información persoal
• Calendario Escolar 20-21 de Galicia
• Horario do alumnado e Horario d@ mestr@
• Calendario mensual
• Xestión do alumnado
• Páxina para pegar a información completa do alumnado
• Información tecnolóxica
• Aniversarios
• Control de asistencia mensual (aquí pegarei as táboas que salen de XADE)
• Listaxe das titorías trimestrais
• Programación das actividades de aula: este apartado non o teño organizado por sesións, xa que para isto emprego a APP Idoceo, pero de todos os xeitos preciso ter por escrito a semana vista algunhas anotacións.
• Páxinas en branco para anotacións.

Para imprimila, e non consumir tanta tinta na casa, as páxinas das portadas fareinas na imprenta (1, 2, 37, 38, 73, 74, 99, 100) O resto das páxinas impriminas en casa, e en papel de 120 mg, xa que ao ser un material que precisamos que dure todo o curso, os folios de menos gramaxe resíntense moito, quizais de 100 chegue! 

Agardo que sexa da vosa utilidade =) Clicando na imaxe da portada podedes descargar o arquivo completo.

A cargar as pilas a tope que nos agarda un curso con curvas!!

Feliz Día do Libro!

Levo moitos días sen escribir por aquí, a verdade é que o tele-traballo ocúpame a maior parte das horas do día, pero hoxe tiña que sacar un oquiño, xa que a ocasión o merece!

Hoxe celébrase o día do libro....pero, sabedes porque? Pois din que tal día coma hoxe, o 23 de abril, morreron dous dos escritores máis famosos da literatura universal: Cervantes e Shakespeare...Aínda que isto non é de todo certo, xa que Cervantes realmente morreu o 22 de abril de 1616, aínda que foi enterrado o 23. Pola súa banda, Shakespeare realmente morreu o 3 de maio de 1616 segundo o calendario gregoriano, que era o que se empregaba en Inglaterra naquela época, e para nós é o 23 de abril de 1564 segundo o calendario xuliano, que é o que empregamos na actualidade.

O día 23 de abril foi declarado o Día Internacional do Libro e do Dereito de Autor pola UNESCO no ano 1995, pero sabedes que moito antes, en Cataluña xa tiñan esta celebración? Déixovos un pequeno texto para que descrubrades máis curiosidades sobre o día de hoxe.

Saúde e moitos libros para tod@s!

Hoxe en día, podemos ler un montón de libros online, aquí vos deixo algunhas propostas para os máis pequenos da casa!!

https://issuu.com/grupoanayasa/docs/bc00442701_lola_pimienta_cast

https://www.anayainfantilyjuvenil.com/noticia/cinco-titulos-para-leer-gratis-desde-casa/

https://issuu.com/edicionsxeraisdegalicia

https://baiaedicions.gal/editorial/baia-edicions-con-vos-na-casa/

http://www.edicionsmoitoconto.com/2018/10/o-papagaio-dixital.html

https://lt.mydplr.com/7fb2544c6a4c8ce97ccc3f319905966c-226704b7dc12fb277e253bf169a1453b

Vacacións na casa

Proposta de actividades para facer en casa estas vacacións.: 42 xogos e ideas creativas para pasar estes días.

O mago e humorista coruñés Luis Piedrahita comezou durante este confinamento a ensinar trucos de maxia nas súas redes sociais para facer este momento máis levadeiro, e facendo o que mellor sabe, que é a maxia!


Son trucos fáciles, con cousas que podedes ter todos na casa como mazás, bastoncillos dos oídos, clips, lapis de cores, cartas... 

Déixovos algúns enlaces, pero no seu Facebook ou Instagram podedes seguilos, que todos os días suben un truco novo!!

https://www.facebook.com/piedrahitaluis/videos/1433137826865192/

https://www.facebook.com/piedrahitaluis/videos/1340267516156840/

https://www.facebook.com/piedrahitaluis/videos/559121404707893/

A PRACTICAR!

Debuxamos paso a paso con Leandro Lamas

Esta semana estáseme pasando voando, xa é mércores! É que non hai mellor cousa que estar activo e entretido, aínda que sexa na casa!

Hoxe tráiovos unha proposta do pintor Leandro Lamas. Eu son unha gran admiradora súa, paréceme incríble o selo de identidade que ten, como fai que sexas  capaz de recoñecer sen ningunha dúbida calquera das súas obras, sexa un cadro, un mural, un libro ilustrado ou un bolso de Cabuxa! Anímovos a que investiguedes un pouquiño sobre quen é Leandro Lamas, sorprenderavos todo o que fai!

Na súa páxina de facebook, está axudando a que pasemos máis entretidos estes días e achegarnos á súa arte colgando como facer un debuxo del paso a paso. A min pareceume unha idea fabulosa para que fora o traballo de plástica para estes días de varios cursos do cole. Así que entre un compañeiro e eu eu démoslle forma a ver como podiamos achegalo aos nenos e nenas, e teñen ata o venres para facelo! De seguro que o van facer xenial!

Así que non hai escusa dicindo que non sabes debuxar!! Asegúrovos que eu son unha debuxante pésima, e non saiu tan mal, non?  Deixade voar a vosa imaxinación e engadídelle os detalles que queirades!! E unha última cousa, no cadrado que hai apoiado no sofá deberedes poñer a portada dun disco que vos guste...adivináchedes a miña??

Ánimo artistas! 

Leando Lamas Paso a Paso

Películas en Familia

Ola de novo!!! Seguindo as recomendacións de Una Pizca de Educación no seu instagram, o cal vos recomendo visitar!! Hoxe veño con suxerencias de cine para ver en familia nestes días. Xa que con algo hai que matar o tempo, que mellor que facelo desfrutando dunha sesión de cine!!

O meu consello é que lles anticipedes a información aos vosos fillos e fillas, que creedes expectativas, coma se dun día especial se tratase.

Primeiro poñede unha hora e un día, que poidades. Logo buscade a película para tela preparada, e cando chegue o día:

Facede palomitas, ordeade o salón e poñedevos cómodos no sofá para desfrutar dun rato en familia.

Hai moitísimas pelis das que podedes desfrutar, entre outras, podedes elixir estas!